आफुलाई नेपालको सबैभन्दा छिमेकी देश भनेर बताउने भारत सहयोगी शीर्ष पाँच मुलुकभित्र परेन
नेपाललाई सहयोग गर्ने विश्वका देशहरुमध्ये चीन सबैभन्दा अगाडि आएको छ ।
नेपाल सरकारको आधिकारिक विकास सहयोग ओडीए को रिपोर्ट अनुसार सन् २०१४ –२०१५ को तथ्यांकमा चीन सबैभन्दा अगाडि देखा परेको छ ।
केही वर्ष अगाडि भारत सबैभन्दा अगाडि थियो भने अहिले धेरै पछाडि परेको तथ्यांकले देखाएको छ ।
इतिहासमा पहिलो पटक सन् २०१४–१५ को तथ्यांकमा नेपाललाई सहयोग गर्ने शीर्ष पाँच देशको सूचीमा भारत परेको छैन ।
नेपाललाई सहयोग गर्ने विश्वका शीर्ष देशहरुमा पहिलो स्थानमा चीन रहेको छ । त्यसपछिका देशमा वेलायत, अमेरिका जापान र स्विटजरल्याण्ड रहेका छन् ।
चीनले सन् २०१४–१५ मा नेपाललाई ३७.९५ मिलियन डलरको सहयोग गरको छ भने भारतले २२ मिलियन डलर मात्र सहयोग गरेको छ ।
जहाँ कि भारतले नेपाललाई सबैभन्दा नजिकको छिमेकी देश भनेर चिन्ने गरेको छ ।
यस अघि भारतले नेपाललाई निकै माथिबाट सहयोग गरेको थियो ।
सन् २०१०–११ मा भारतले नेपाललाई ५० मिलियन डलरभन्दा बढी सहयोग गरेको छ । त्यो २०११–१२ पनि त्यही दरमा सहयोग गरेको छ ।
त्यो भन्दा बढेर सन् २०१२–१३ मा ६३ मिलियन डलरभन्दा बढी सहयोग गरेको छ । तर त्यसको एक वर्षपछि भारतले आधाभन्दा बढी सहयोग दर घटाएको छ ।
जसका कारण नेपाललाई सहयोग गर्ने शीर्ष पाँच स्थानमा भारत पर्न सकेको छैन । भारतले नाकाबन्दी लगाएपछि नेपाललाई चीनले निकै माथिबाट सहयोग गरेको देखाइएको छ ।
यसरी भारतले नेपाललाई हेपाहा दृष्टिकोणले हेरे पनि अर्को छिमेकी देश चीनले सहयोग गर्न सक्छ भन्ने यो राम्रो उदाहरण हो ।
0 comments
Write Down Your Responses