बुटवल –नेकपा माओवादीले आफ्ना नेता कार्यकर्ता रिहाईको माग राख्दै जेष्ठ २७ गते आव्हान गरेको एक दिने नेपाल बन्दको पूर्वसन्धामा देशव्यापी मसाल जुलुस प्रर्दशन गरेको छ । उपत्यका लगायत केही ठाउँमा मोटरसाईकल ¥याली, कोणसभा लगायतका कार्यक्रमसमेत गरेको छ ।यता लुम्बिनीमा पनि ६ बटै जिल्लामा मसाल जुलुस प्रर्दशन गरिएको छ ।
रुपन्देही, नवलपरासी, कपिलवस्तु, पाल्पा, अर्घाखाँची र गुल्मीका मुख्य मुख्य सहरहरुमा केन्द्रित भई पर्चा पम्पेल सहित मसाल जुलुस गरिएको थियो ।
जुलुस प्रर्दशनको क्रममा रुपन्देहीको बुटवलमा बोल्दै नेकपा माओवादीका केन्द्रिय सदस्य तथा लुम्बिनी व्यूरो ईन्चार्ज चन्द्रबहादुर चन्द ‘विरजंग’ले राष्ट्रियता र स्वाधिनताको लागी लड्दै गर्दा सरकारले आफ्ना नेता कार्यकर्तालाई गिरफ्तार गर्ने र झुटा मुद्दा लगाउने खेल भैरहेको भन्दै विनार्सत रिहा नगरिएमा आफूहरुले कडा भन्दा कडा आन्दोलन गर्ने बताए ।
यता मसाल जुलुसको क्रममा रुपन्देहीका जिल्ला सदस्य राजेश बुढालाई प्रहरीले गिरफ्तार गरेको छ भने मसाललाई नियन्त्रण गर्न गरिएको लाठीचार्जको क्रममा झण्डै एक दर्जन कार्यकर्ता सामान्य घाईते भएका छन् ।
0 comments
Write Down Your Responses