आयो नेपालको लागि फेरी खुसीको खबर चिनियाँ उच्च टोली काठमाडौंमा नेपालसँग अर्काे समझदारी पत्रमा हस्ताक्षर पुरा पढ्नुहोस
काठमाडौँ, १४ जेठ । नेपालका लागि रेल पठाएलगत्तै एक उच्चस्तरीय चिनियाँ टोली काठमाडौं आइपुगेको छ ।
उक्त टोलीका चिनियाँ लगानीकर्तालाई नेपालको जलविद्युत्, पर्यटन, कृषिजन्य उत्पादन, निर्माण, जडीबुटी क्षेत्रमा लगानी गर्न आग्रह गरिएको छ ।
चीनको गान्सु प्रान्तको उद्योग तथा सूचना प्रविधि आयोगका उपनिर्देशक चाङ फुकुइको नेतृत्वमा नेपाल भ्रमणमा आएको १३ सदस्यीय व्यापारिक टोलीको सम्मानमा चेम्बर अफ कमर्शले आज यहाँ आयोजना गरेको कार्यक्रममा चेम्बर अध्यक्ष राजेशकाजी श्रेष्ठले दुई देशबीच लगानी बृद्धि, आर्थिक व्यापारिक सम्बन्ध विस्तारका लागि आग्रह गर्नुभयो ।
उहाँले गान्सु प्रान्तमा नेपाली उत्पादन प्रवद्र्धनका लागि सहयोग गर्न अनुरोध गर्नुभयो ।
सो अवसरमा उपनिर्देशक फुकुइले गान्सुको लान्जाउबाट सिगात्सेसम्म रेल आइपुगेको हुँदा यसबाट दुई देशबीचको व्यापार तथा सम्बन्ध अझ विस्तार हुने बताउनुभयो ।
कार्यक्रममा नेपाल लगानी बोर्डका तर्फबाट नेपालमा लगानीका सम्भावनाबारे प्रस्तुति दिइएको थियो ।
साथै सङ्घ तथा सिसिपी. आइटी. गान्सु प्रान्तबीच सम्बन्ध विस्तारका लागि समझदारी पत्रमासमेत हस्ताक्षर भएको छ । रासस
0 comments
Write Down Your Responses