काठमाडौः आफ्नी प्रेमिका मनिषा घर्तिमगरको हत्यामा आफ्नो कुनै संलग्नता नभएको बयान पोलियोग्राफ टेष्टले सहि ठहराएपनि प्रहरी भने मनिषाको हत्यामा आषिको संलग्नता भएको निश्कर्षमा पुगेको छ ।
त्यही आधारमा आशिष विरुद्ध जिल्ला अदालत परासीमा मुद्दा दर्ता गरिएको छ । मनिषा राष्ट्रिय फूटवल खेलाडी विमल घर्तीकी बहिनी हुन् ।
उनी गत जेठ १२ गते आफ्नै घरमा मृत अवस्थामा भेटिएकी थिइन् ।
आषिशले दिएको सुरुवाती वयान पोलियोग्राफले समेत सहि ठहराएपनि अन्तत आषिशकै कारण मनिषाको मृत्यु भएको निश्कर्शमा प्रहरी पुग्यो । उक्त घटनाको अनुसन्धान गरिरहेका जिल्ला प्रहरी कार्यालय नवलपरासीका प्रहरी निरिक्षक प्रकाश सापकोटा भन्छन् ‘मनिषाको मृत्युको कारण आशिष नै हो । यदी त्यसदिन आशिष त्यहाँ नगएको भए मनिषाको ज्यान जाने थिएन ।’
मनिषा र आशिषबीच एकहप्ताको समयमा दुईसय १८ पटक टेलिफोन वार्ता भएको थियो । प्रहरीले गरेको कल डिटेल अध्ययनमा मनिषाले चौधरीलाई १ सय १६ पटक र चौधरीले मनिषालाई १ सय २ पटक फोन गरेको पाईएको छ ।
मनिषाले बोलाएर आफू उनको घरमा गएको र भनाभन हुँदा मनिषालाई कुटेको , त्यसको केहीसमय पछि सुतेर जाग्दा मनिषालाई झुण्डिएको अवस्थामा भेट्याएको वयान उनले दिएका छन् ।
उनीहरुबीच भएका एसएमएस र टेलिफोनको कल डिटेलका आधारमा मनिषाको मृत्युको कारण आशिष नै रहेको निश्कर्षमा प्रहरी पुगेको हो ।
0 comments
Write Down Your Responses